sheff's corner

今朝晨咁早去教琴, 搞到Auntie 蓬頭垢面咁嚟開門俾我; 勁唔好意思添! 其實都係我衰, 改左教琴嘅時間. 不過無辦法, 因為團契之前要練歌嘛.

又嚟大溫一日遊:
西溫 -> 列治文 -> 西溫 -> Main 街 -> Knight 街(教會) -> 咖哩王 -> Main 街 -> 西溫
... 真係要諗下同Carmen 住先得!

JJ Beans 見魚羊, 好在佢記得要試French Press, 如果唔係我又唔記得喇! 提早收生日禮物, 打開個鞋盒的時候, 見到件西班牙Adidas track suit, 勁感動~ 我真係覺得無人會知我中意西班牙嘅足球隊囉(其實魚羊都唔知, 只不過剛剛好撞中 - 真係蘇眉同學啊!)! 仲有魚羊親手畫的生日卡, 大家睇下, 靚到(雖然個idea 係抄番嚟...)~
打開張卡, 只看到一半, 眼淚已不停在眼中打轉, 心諗: "真係唔好而家日光日白眾目睽睽之下喊喎, 樣衰爆喎!" 點知就喺依個時候, 魚羊就剛剛拎住件banana bread 番嚟! 真係有D 想搵窿"娟"! 拿, 唔好話我無為左你喊呀! 多謝你用心為我挑選的禮物& 精心自製的卡. 果然係: "對於朋友, 你的細心, 已足夠花去半數時間". **THANK YOU**

之後番左去教會練歌; 多謝魚羊今晚嚟我地團契客串做"司他" (真係第一次聽依個term; 其實真係好難聽囉... 好彩我係做司琴嘅嗟! 唔知點解"司琴" 好似好詩情畫意, 但係"司他" 就有"屍體" 的感覺. -_-"). 一齊練歌的時候, 打從心底覺得好開心, 內心有說不出的感動, 又有想喊的衝動. 可以同一個好熟的朋友一同事奉, 這種機會真的可一不可再. 好想好想留住當時的記憶和感覺, 以及那從心底發出的喜樂. 好想時間可以停頓下來 - um, 或者我真係應該聽你話, 彈慢D, 唔好咁趕, 咁時間咪唔會過得咁快囉? 雖然係第一次同你夾歌, 但係好似已經好合拍咁; 其實夾歌同夾波都係需要默契的. 其實我都唔係好知道今晚的program 究竟run 成點, 但我覺得已經唔重要, 因為能夠同你一齊事奉, 為此我已經很感謝神. 真的很喜歡純結他伴奏的"Here I am to Worship" (尤其是music break 的幾秒) & "There is None Like You" (終於可以正常地唱依首歌, 唔駛rap); 其實結他真係好聽架喎!

分組祈禱, 唯一一次隔嚟果位唔係Serene, 而係真嘅"Cindy". 終於可以講"為到身邊的Cindy 禱告..." 第一次喺你面前為你開聲禱告; 感動哩?

結論: 今日真係200,000 個開心啊!! Finally, 我嘅pre-birthday blues 給一掃而空. 話時話, 都唔知點解我喺生日之前, 情緒總會比較波動...

Song of the Day:
"Here I am to Worship" ----- 魚羊 x 以琳團

posted by sheffield @ 11:44 PM