sheff's corner

難得今個星期日唔駛番早堂獻詩, 可以sleep in. 但係最後卻連番11 點的午堂都遲到左5 分鐘! 唔通真係因為我同YSL Kid 講話等我訓多5 分鐘先?

渣車番崇拜的時候, 眼見自己將會遲到, 我心諗, "唉呀, 遲到添, 會miss 左vela 領詩架!"
之後, 我就突然間反省到覺得自己好唔"arm": 我feel bad 竟然係因為我覺得會miss 左vela 領詩, 而唔係因為"番崇拜遲到" 依件事本身.
睇嚟我真係需要調教我worship 的心態.

無端端流鼻血，唔通真係太熱氣？

白痴事一則：
朝早明明落雨架嘛, 咁我以為會好凍, 所以咪著左件背心喺裡面, 然後出面再著件黑色中袖外套.
點知, 崇拜之後, 陽光普照, 我就知道我依一身嘅裝扮真係錯晒...
幸好有jetsy 拔tee 相助, 借給我一件短袖tee, 等我唔駛侷到生熱"fai".

之後去左steveston, 喺漁人碼頭食fish & chips, 好味道喎! 或者下次應該去試下port moody 果間?
食完lunch 之後去左hocc 整潔嘅屋企打機. 好在有viv 陪我咋, 因為似乎得我地兩個係打機白痴...

夜晚去downtown 食飯同DSH 慶祝生日, 好impressed 住得最遠的魚羊竟然最早到! 我覺得佢同FLS 真係兩姊妹來的.
我問魚羊點解唔著新鞋, 佢話因為天氣報告話會落雨, 費事整污糟 - 另一個同FLS 似到十足的性格! 我同viv 都覺得佢兩個真係應該要去驗下DNA...

初初DSH 話D 意粉都幾大碟, 所以我地打算4 個女仔share 3 碟.
到D 意粉嚟到的時候, 我地就勁"hur" DSH, 因為原來睇落都唔係好大碟.
食下食下, 發覺唔係好對路, 原來我地4 個人係食唔晒3 碟的. 然後我就開始有D panic, 話, "食唔晒添, 死梗喇~" 魚羊回答, "其實都係食唔晒嗟, 唔駛死嘅; 人地生日呀, 死死聲唔吉利呀!" 笑死我~

為左今次染髮嘅顏色可以keep 得耐D, 自從尋日剪完/染完髮, 佢幫我沖過個頭之後, 我今日就一直都無再洗頭喇! (即係, 我覺得, 為左以後嘅靚, 醜樣一日都唔緊要啦!) 所以, 我都已經事先warn 定我嘅朋友仔, 話左俾佢地聽我個頭會好"lub". hocc 仲竟然問我就究竟係因為我頭油多定係點! 佢咁認真問，真係唔知好嬲定好笑。
Btw, 我都唔知點解我同hocc 身高差一大截, 但係我個頭竟然同佢個頭差唔多大! 頭大果D 嚟架喎.



song of the day:
"丟架"-----twins

posted by sheffield @ 11:55 PM